Exlaqê şoreşgeriyê û exalqê şerxwazî û komkujiyê!

Dewleta tirk binsaziya herema Bakur û Rojhilatê Sûriyayê dike armanc û eşkere dike ku ew dê vê binsaziyê birûxîne, derfetên jiyanê jiholê rake û bi milyonan mirov derbider bike. Li ser zimanê mezintrîn kesayet û berpirsyar, dewla tirk dibêje ew ê vê heremê wêran bike û nişticihên wê bikuje. Ew her wiha hijmara avahî, sazî, stasyonên elektrîk û avê yên ku hatine rûxandin, sivîlên ku hatine kuştin, dide û vê yekê ji bo raya giştî ya tirk wekî “serkeftin” diyar dike.

Ji bo dewleta tirk a ku AKP/MHP wê bi hişekî şoven û komkuj bi rê ve dibe, wêrankirina welatê kurdan, kuştin û derbiderkirina sivîlên kurd, destkeftiyek mezin e. Her dema ku di şer û pevçûnan de eskerên  artêşa Tirkiyayê tên kuştin, rejîma AKP/MHPyê bi şêweyekî nemerdane êrîşî sivîlan û binsaziya herema Bakur û Rojhiltê Sûriyayê dike. Rû bi rû li qada şer bê çare bûye, ji ber hindê ew “tola” xwe ji sivîlan û derfetên jiyanê yên wan distîne. Ew zarok, jin û mirovên temenmezin û nexweş armanc dike. Bi rêya wêrankirin û rûxandina heremê û kuştina mezintrîn hijmar ji silvîlan, rejîma AKP/MHPyê gelê tirk bi şovînîzm û hovîtiyê perwerde dike. Wî hînî normlkirina kuştina mirovên bêsûc ên sivîl û talankirin, rûxandin û wêrankirina bajar û gundan dike. Rejîma AKP/MHPyê wiha bawer dike, ku çiqasî kuştin û hilweişandin hebe, ew ê zêdetir gelê tirk razî bike û dengan jê bigre.

Li himberî vê siyaseta AKP/MHPyê ya nemerdane ya armanckirina sivîl û binsaziyê, Tevgera Azadiya Kurdistanê di şerê rizgariya gelê kurd de bi pîvanên exlaqî û mioveyatî ve girêdayî ye. Şervanên kurd di qada şerê rû bi rû de li himberî artêşa Tirkiyayê radiwestin û derbeyan lê didin. Artêşa dewleta tirk a ku hatiyê çiyayê Kurdistanê dagîr bike, çekên kîmayayî bi kar tîne, rastî êrîşên bersevdaynê tê. Şervanên kurd kozik û bargehên dagîrkeriya artêşa tirk li çiyayên Kurdistanê armanc dikin û dagîrkeran ceza dikin. Rû bi rû û bi sînganî ev şer tê meşandin. Êrîşên şervanên kurd di çarçoveya bersevdayîn û xweparastinê de tên kirin. Êrîş tenê di qada şer de sînorkirî ne.

Tevgera Azaidya Kurdistanê xwedî exalqê şer e. Ew girêdayî pîvanên mirovayetî ye. Ew tu carî êrîşî sivîl û binsaziya Tirkiyayê nake. Ew vî şerî di qada leşkerî de dimeşîne û sivîlan nake armanc. Dewleta tirk eşkere û li himberî hemû cîhanê terora dewletê dimeşîne. Bê guman Tevgera Azadiyê û hêzên HSDyê jî dikarin bi heman şêweyê berseva dewleta tirk bidin, binsaziya Tirkiyayê û sivîlan armanc bikin, lê ew wiha nakin. Ew girêdayî exlaq û mirovayetiyê ne û jiyana sivîlên tirk buha mîna jiyana sivîlên kurd dibînin. Jixwe olîgarşiya şerxwaz a AKP/MHPyê ku îro Tirkiyayê bi rê ve dibe, dixwaze şerekî gelan biqewime û rê li ber komkujiyan vebe. Bi vê yekê re ew dikare bi milyonan kurdan ji holê rake û pilana ( Ittihat ve Terakki) a kevn bibe serî.

Berovajî dewleta tirk a ku niha terora dewletê dimeşîne û binsaziya herema Bakur û Rojhilatê Sûriyayê têk dibe, gelê kurd di konsepta bersevdayîn û xweparastinê de bi pîvanên exlaqî û mirovayetî ve girêdayî ye. Ji derveyî qada şer, ew tu avahiyeke xizmetê an jî sivîlekî tirkarmanc nakin. Ev rastî her kes dizane û ji bo tevahiya cîhanê diyar e.

Dewleta tirk a li jêr desthilatdariya AKP/MHPyê bûye dewletek komkuj a derveyî qanûna navnetewî. Li hundur û derveyî Tirkiyayê, ev desthilatdarî şer belav dike. Bi rêya komikên çete ên kirêkirî û cîhadîstan ew li tevahiya heremê kaosê belav dike, gelan bi hev dide şerkirin û xwînê dirjîne.  Her cihekî ku dewlea tirk destê xwe dirêjî wî kiriye, şer peyda bûye. Li gelek welatan di encama tevliheviyê û pilanên şer û dagîrkeiriyê ên dewleta tirk de şerê navxuyî derketiye û beşên heman gelî bi çekên tirkan hev kuştin. Ev yek li Sûriya û Lîbiyayê xuya ye.

Divê hemû cîhan bizanibe ku dewleta tirk îro terora dewletê dimeşîne, sivîlan û binsaziyê armanc dike. Ew dixwaze bi milyonan bê derfetên jiyanê bihêle û wan derbider bike. Li hemberî vê komkujiyê, divê mirovayetî helwesta gelê kurd a exlaqî û mirovhezî jî bizanibe. Îro gelê kurd tevî ewqas komkujî û êrîşên jiholrakirinê, girêdayî pîvanên şer ên navnetewî ye. Şervanên gelê kurd êrîşî yek saziyek sivîl nekirine û yek sivîlê tirk nekuştine. Jixwe Tevgera Azadiya Kurdistanê û Herêma Bakur û Rojilhatê Sûriyayê her roj banagên aşîtî û diyalogê dikin û dozê li dewleta tirk dikin, da ku dawî li vê siyaseta qirkirinê bîne û dest bi gavên çarserkirina pirsa kurd bike. Divê cîhan rastiya helwesta kurdan û şerxwazî û terora dewleta tirk bizanibe. Ev yek jî karê tevahiya kurdan û hêzên demokrat li heremê û cîhanê ye.