Dîplomasî, rêgezekî bingehîn ji rêgezên zanista siyasî ye. Bikaranîna dîplomasîyê jî ji destpêka barbanga dîrokê ve, ji alîyê mirovan ve hatiye kirin. Lê bi dirêjahîya dîrokê, dîplomasî demeka dirêj hate qutkirin û tenê di serdema nûjen da piştî derketina şandeyên dîplomasî yên domdar, xebatên dîplomasî hatin berdewamkirin û birêxistinkirin. Destpêkê, nûnertîya dîplomatîk di navbera dewletên Ewropayê da bi hev hatin guhartin û piştra derbasî dewletên cîhanê bûn. Piştî ku ev zanist bi tevahîya têkilîyên xwe hate rûniştandin, kesên peywendîdar, xwendevan û sazîyên dewletan û împratorîyan li rêgezên ku hemû alî pê pabend bin, gerîyan. Bi gotineka din, hate lihevkirin ku”Dîplomasî” wekî têkilîyeka ku bingeha xwe heye û bi rêya qanûn û rêgezan tê parastin û çênabe ku tu alîyek binpê bike an jî derbas bike.
Berfirehîya lêkolînê di vê lînkê da ye:
