-Ji vê sibê de, êrişên dagirkeriya Tirk ji dîrok de heta roja îro, hate ser ziman, ku dewleta Tirkiyeyê komkujî li dijî Kurd, Ermen û hemû pêkhateyên din pêk anîn.
– Îro heman komkujî û qetilam li dijî gelan dewam dikin. Dewleta Tirkiyeyê, dixwaze dewleta Osmanî nû bike.
– Ji sala 2012`an ve şerê me yê li dijî Nusra û piştre artêşa Azad û piştre DAIŞ, yê ku alîkarî da van rêxistinên navborî di aliyê aborî, çekên giran û perwerde, dewleta Tirk bû.
-Ji 2012`an ve, desteka dewleta Tirkiyeyê ya ji komên DAIŞ`ê û Nusra re, dewam dike, rumxî ku Tirkiyeyê endamekî NATO`yê ye.
– Îdeolojiya DAIŞ`ê û zihniyeta wê, ne kêmî ya Erdogan e. Erdogan dixwaze bi navê îslama radîkal dijminahiya mirovahiyê bike û islameke gorî xwe ava bike.
-Rola xwedîkirina DAIŞ`ê û mezinkirina wê û bêistiqrariya herêmê, ji Erdogan re hatiye dayîn. Ev rol jî eşkere ye.
-Erdogan li dijî hemû gelên ku daxwaza azadiya dikin, derdikeve.
-DAIŞ li Baxozê di aliyê erdîngarî de têk çû, lê zihniyeta DAIŞ`ê hîna dewam dike û ev yek jî xeterî li ser herêmê û tevahiya cîhanê ye.
– Ji 19`ê Tîrmehê ve, ji salvegera Şoreşa Bakur û Rojhilatê Sûriyê, êdî şerekî eşkere li ser rûyê erdê tê meşandin, mijar ne tenê êrişeke li dijî erebeyeke li dijî fermandarekî leşkerî ye, ev şerekî eşkere li ser rûyê erdê tê meşandin, dibe ku Erdogan bi leşkerê xwe neyê, lê qada hewayî jêre hatiye vekirin, ne tenê xeta sînor, li tevahiya herêmên Bakur û Rojhilatê Sûriyê destûr ji Erodgan re hatiye dayîn.
-Dijminên vî gelî hemû li ser wan lihev kirine û wekî ku em niha dibînin ne tenê gelê Kurd armanc tê hedefgirtin, lê belê hemû pêkhateyên Bakur û Rojhilatê Sûriyê tê hedefgirtin.
-Ji ber vî awayî divê ev gel bi hemû pêkhateyên xwe di bin navê gelê şoreşgerî de li hember van planan xwedî helwest bin.
